काठमाण्डौँबाट हराएका बालक ९ दिनसम्म नभेटेपछि परिवारमा रुवावासी

काठमाडौँ  धापासीबाट नाबालक हराएको नौ दिन बित्दा पनि फेला नपरेपछि परिवारमा रुवाबासी भएको छ । गत २९ गते हराएको ३ बर्षीय अभिशेक मैनालीको ९ दिन सम्म कुनै सुुराक नलाग्दा पिडित परिवार अपहरणको आशंका गरेका छन् ।  हालसम्म अपहरणको कुुनै संकेत भने दखिएको छैन ।  अपहरण हो भने अपहरणकारीले फिरौतीको लागी कतै बाट फोन पनि नगरेको पिडित तथा अभिषेकका बुुवा गणेश मैनालीले जानकारी दिए ।

धापासीस्थित आफनै कोठामा दिउँसो परिवारसँग बसेर खाना खाँदै थिए ।  सोही क्रममा कोठा बाहिर निक्लेका ३ बर्षीय छोरा अभिषेख हाल सम्म सम्पर्क बिहिन रहेको पिडित मैनालीले बताए । घटना  महानगरिय प्रहरी बिट धापासी,चक्रपथमा उजुुरी दिएको मैनालीले बताए ।  घटनाको २ दिनपछि बालबालिका खोज तलास केन्द्र भृकुुटी मण्डप, अपराध महाशाखा टेकुु, प्रहरी परिसर टेकुुमा समेत उजुुरी दिएको थियो । प्रहरी कार्यालय धाएको नौ दिन हुुनलागेको छ तर उपलब्धि भने केही नपाएको उनले दुुखेसो पोखेका छन् । रौतहटको फतुुआ विजयपुर नगरपालिका  वडा ११ हिमालीवास घर भएका मैनाली पछिलो ७–८ बर्ष देखी काठमाण्डौ स्थित धापासीमा कोठा लिएर बस्दै आएका छन् ।
मैनाली टाटा मोबाईल भाडामा चलाउने गर्दछन् ।

नेपाल प्रहरीका प्रवक्ता डिआईजी मनोज न्योपानेले घटनालाई प्रहरीले  गम्भिरता साथ हेरिरहेकाले चाँडै परिणाम आउने बताए । अपरहण हो की हराएको  घटना बारे केही बोल्न न मिल्ने तथा अनुुसन्धान भईरहेको डिआईजी न्योपानेले बताए ।

source: TV Annapurna

यसमा तपाईको प्रतिक्रिया दिनुहोस्

Comments are closed, but trackbacks and pingbacks are open.